ირანის უზენაესმა ლიდერმა, აიათოლა ალი ხამენეიმ მოუწოდა სირიელებს, წინააღმდეგობა გაუწიონ ამბოხებულთა ხელმძღვანელობით შექმნილ მთავრობას, ყოფილი პრეზიდენტის, ბაშარ ალ-ასადის ჩამოგდების შემდეგ და განაცხადა, რომ ამბოხება დასავლეთის მიერ იყო ორგანიზებული.
22 დეკემბერს სიტყვით გამოსვლისას, ხამენეიმ განაცხადა, რომ სირიელები, განსაკუთრებით ქვეყნის ახალგაზრდობა, "მტკიცედ უნდა დადგეს მათ წინააღმდეგ, ვინც შეიმუშავა და ვინც განახორციელა ეს დაუცველობა".
ასადმა ქვეყანა 8 დეკემბერს, გვიან საღამოს დატოვა, მას შემდეგ, რაც აშშ-ის მიერ ტერორისტულ ორგანიზაციად შერაცხილმა ჰაიათ თაჰრირ ალ-შამმა (HTS) და მისმა მოკავშირეებმა - რომელთაგან ზოგიერთი თურქეთთანაა დაკავშირებული - სწრაფი იერიშის შედეგად დაიკავეს მნიშვნელოვანი ქალაქები და დაძლიეს სამთავრობო ჯარის წინააღმდეგობა.
მაშინ, როცა ბაშარ ასადს რუსეთის პრეზიდენტმა, ვლადიმირ პუტინმა, პოლიტიკური თავშესაფარი მისცა მას შემდეგ, რაც ასადის ოჯახი ხუთ ათწლეულზე მეტი ხნის განმავლობაში “რკინის ხელით” მართავდა ქვეყანას, HTS-ი სწრაფად შეუდგა დროებითი მთავრობის შექმნას და მისმა ლიდერმა, რიად ალ-ასადმა განაცხადა, რომ ის დარწმუნებულია, რომ ის ფრაქციები, რომლებიც დაეხმარნენ ასადის დამხობას, ერთ ძალად გაერთიანდებიან.
HTS-ი და გარდამავალი მთავრობა ამტკიცებენ, რომ ყველა სირიელის უფლება დაცული იქნება, მაგრამ ხამენეიმ განაცხადა, რომ მისი აზრით, საბოლოოდ, ისლამური რესპუბლიკის მთავრობასთან დაკავშირებული ჯგუფი მოიპოვებს გამარჯვებას.
თურქეთის საგარეო საქმეთა მინისტრი, ჰაკან ფიდანი შეხვდა სირიის დე-ფაქტო ლიდერს, აჰმედ ალ-შარაას დამასკში, 22 დეკემბერს. შეხვედრის დეტალები დაუყოვნებლივ არ გავრცელებულა, მაგრამ თურქეთი დიდი ხანია ითვლებოდა HTS-ის მხარდამჭერად, რადგან დაინტერესებული იყო ასადის ჩამოგდებით.
სირიის მეამბოხეთა ლიდერი დაჯგუფება ჰაიათ თაჰრირ ალ-შამი ტერორისტულ ორგანიზაციად არის შერაცხილი აშშ-ის და სხვა ქვეყნების მიერ. მისი მეთაურის, აჰმედ ალ-შარაას დაპატიმრებაში დახმარებისთვის აშშ-ს 10 მილიონი დოლარის ოდენობის ჯილდო ჰქონდა დაწესებული. 21 დეკემბერს გავრცელდა ინფორმაცია, რომ ეს ჯილდო ბაიდენის ადმინისტრაციამ გააუქმა.
