რუსეთმა უკრაინაზე მასობრივი იერიში მიიტანა დრონებით, პუტინმა ყაზანზე თავდასხმის გამო შურისძიების პირობა დადო

რუსეთის პრეზიდენტმა, ვლადიმირ პუტინმა პირობა დადო, რომ შურს იძიებს კიევის თავდასხმის გამო ყაზანზე, რუსეთის ნავთობით მდიდარი რესპუბლიკის თათრეთის დედაქალაქზე.


უკრაინის სამხედროების ცნობით, 100-ზე მეტი დრონი, რომელიც რუსეთმა 22 დეკემბრის იერიშის დროს გაუშვა, ჩამოაგდეს. რუსული თავდასხმების შედეგად დაზიანდა საოფისე და საცხოვრებელი შენობები, თუმცა ამ ეტაპზე, სამხედროების თქმით, მსხვერპლი არ ყოფილა.


პუტინმა პირობა დადო, რომ უკრაინას უფრო მეტი „განადგურებას“ მოუტანს ყაზანზე დრონების თავდასხმის საპასუხოდ. „ვინც აქ რაღაცის განადგურებას შეეცდება, ბევრჯერ მეტი ნგრევა ექნება საკუთარ ტერიტორიაზე და ინანებს, რის გაკეთებას ცდილობს ჩვენს ქვეყანაში“, - განაცხადა პუტინმა სატელევიზიო შეხვედრის დროს.


ხერსონის, ნიკოლაევის, ჩერნიგოვის, სუმის, პოლტავის, ხარკოვის, ზაპორიჟიეს, ჟიტომირისა და კიევის რეგიონებში ხალხმა დაინახა გასროლილი დრონები, 103-დან 52 იქნა ჩამოგდებული, იტყობინება უკრაინის საჰაერო ძალები.


ბოლო კვირებში, რუსეთმა გააძლიერა საჰაერო თავდასხმები უკრაინაზე. უკრაინის პრეზიდენტმა, ვოლოდიმირ ზელენსკიმ 21 დეკემბერს განაცხადა, რომ მოსკოვმა გასული კვირის განმავლობაში 550-ზე მეტი მართვადი ბომბი, თითქმის 550 უპილოტო საფრენი მოწყობილობა და 20 რაკეტა გაუშვა.


 ომის დაწყებიდან, რუსეთი სისტემატურად ესხმის თავს უკრაინის სამოქალაქო და ენერგეტიკულ ინფრასტრუქტურას, აძლიერებს თავდასხმებს განსაკუთრებით ცივი სეზონის დაწყებისას, რაც უკრაინელებს ზედიზედ მესამე ზამთრის განმავლობაში უქმნის მაქსიმალურ სირთულეებს საწვავის მხრივ.


კიევი ასევე ადანაშაულებს მას საცხოვრებელი შენობების მიზანში ამოღებისთვის, რასაც მოსკოვი უარყოფს. რუსეთის მხრიდან მასიური თავდასხმა მოხდა ერთი დღის შემდეგ მას მერე, რაც უკრაინამ დაარტყა მაღალსართულიან შენობებს ყაზანში.