ღაზაში ისრაელის საჰაერო თავდასხმას ხუთი ადამიანი ემსხვერპლა
ამავე დროს ღაზის ჯანდაცვის უწყება ავრცელებს ინფორმაციას, რომ ღაზის ჩრდილოეთში კამალ ადვანის საავადმყოფოსთვის ინტენსიური ცეცხლის დაშენა ხდება „უპრეცედენტო ფორმით“ და წინასწარი გაფრთხილების გარეშე.
ეს საავადმყოფო ერთ-ერთია იმ სამ, ძლივს მოქმედ საავადმყოფოებს შორის ღაზის ჩრდილოეთში, სადაც ოქტომბრიდან მოქმედებს ისრაელის არმია. სამინისტრო აცხადებს, რომ „დაბომბვა ხდება ყუმბარებისა და სატანკო ცეცხლის მეშვეობით, რომლითაც პირდაპირ გვიმიზნებენ, როცა საავადმყოფოს ოთახებში ვიმყოფებით“.
ღაზის სექტორში ომი შარშან ოქტომბერში დაიწყო, როცა ისრაელმა, მასზე ჰამასის (აშშ-ში და ევროკავშირში ტერორისტული დაჯგუფება) თავდასხმის (1200 დაღუპული, 250 მძევლად აყვანილი) საპასუხოდ საჰაერო და სახმელეთო საომარი მოქმედება დაიწყო.
მას მერე ღაზაში დაიღუპა 45 ათასზე მეტი პალესტინელი. საერთაშორისო მცდელობას აშშ-ის და არაბული ქვეყნების შუამავლობით ცეცხლის შეწყვეტის მიზნით შედეგი არ მოჰყოლია.