გერმანიის ქალაქ მაგდებურგში საშობაო ბაზრობაზე მანქანა შევარდა ხალხში. საქსონია-ანჰალტის ხელისუფლების თანახმად, დაიღუპა ორი ადამიანი და რამდენიმე ათეული დაიჭრა, მათგან ზოგი - მძიმედ. პოლიცია არ გამორიცხავს ტერაქტის ვერსიას. პოლიციის თანახმად, ინციდენტს განზრახ განხორციელებული თავდასხმის კვალიფიკაცია ეძლევა.
Bild-ი წყაროების დაუსახელებლად იუწყება, რომ დაიღუპა 11 ადამიანი და დაიჭრა 80-მდე.
DPA სამთავრობო წყაროებზე დაყრდნობით იუწყება, რომ მძღოლი დაკავებულია. MDR იტყობინება, რომ, პოლიციის თანახმად, ეს არის 50-მდე წლის მამაკაცი, რომელიც საუდის არაბეთიდანაა.
შეჯახების მომენტი გარე სათვალთვალო კამერებმა დააფიქსირა.
გაფრთხილება: ვიდეოს შინაარსი შეიძლება აგრესიულად ან უსიამოვნოდ ჩათვალოთ.
როგორც T-Online წერს თვითმხილველზე დაყრდნობით, შემთხვევის ადგილზე რამდენიმე სასწრაფო დახმარების მანქანა და ექიმი მივიდა.
Bild-ის ცნობით, პოლიცია საშობაო ბაზრობის შემოზღუდულ ტერიტორიას ამოწმებს და ეძებს ასაფეთქებელ ნივთიერებებს.
