Täze hasabat Rogun taslamasynyň daşky gurşaw töwekgelçiligini duýdurýar
Halkara Daşky gurşaw koalisiýasynyň “Serhetsiz derýalar” analitiki hasabatyna salgylanyp berlen habarda aýdylmagyna görä, bu taslamanyň häzirki ýagdaýynda düýpli daşky gurşaw töwekgelçiligi bar.
“Serhetsiz derýalar” koalisiýasynyň geçiren derňewine görä, beýikligi 335 metre çenli bolan bendiň gurulmagy Wahş derýasynyň basseýniniň, Amyderýanyň tutuş ekosistemalary üçin görlüp-eşidilmedik töwekgelçilik döreder.
Ozaly bilen, uly göwrümli suw howdanynyň döredilmegi derýanyň tebigy akym düzgüniniň düýpli üýtgemegine getirer.
Mundan başga, akym düzgüniniň üýtgemegi sebitdäki dört ýurtda - Täjigistanda, Özbegistanda, Türkmenistanda we Owganystanda derýa boýlaryndaky oba hojalyk ýerlerine, takmynan 7 million adamyň ýaşaýyş-durmuşyna düýpli täsir edip biler, sebäbi olaryň abadançylygy ekerançylyk üçin zerur bolan suwuň elýeterliligine gönüden-göni bagly bolup durýar diýip, hasabatda bellenýär.