په نایجریا کې د کښتۍ غرقېدو په پېښه کې لس کسان مړه شول

د نایجریا په مرکزي برخه کې لږ تر لږه ۱۰ کسان هغه وخت مړه شول، چې د دوی کښتۍ په بِنوئه سیند کې نسکوره شوه.



د بِنوئه ایالت د پولیسو ویاندې کاترین انیني (Catherine Anene) پرون یکشنبه ویلي، د پېښې له ځایه ۱۰ مړي ترلاسه شوي دي.



د رویټرز خبري اژانس د خبر له مخې، په نایجریا کې سږ میلادي کال چې وروستۍ ورځې یې دي، د کښتیو په پېښو کې څه باندې ۲۲۰ کسان مړه شوي دي. په کښتیو کې تر حد زیات کسان سپرول، د ساتنې او مراقبط ناوړه شرایط د کښتیو د ډېرو پېښو اصلي علت ګڼل کېږي او زیات وخت خلکو ته په کښتیو کې د ژغورنې جاکټونه هم نه ورکول کېږي.