Özbegistan we Türkmenistan Owganystana tok ibermegini kesdi - metbugat
Berilýän maglumatlara görä, Özbegistan we Türkmenistan şu aralykda Owganystana edýän elektrik eksportyny togtatdy.
Özbegistan tok ibermegini tehniki kynçylyklar sebäpli togtatdy, Türkmenistan bolsa, güýçli ýel sebäpli, elektrik energiýasyny eksport edip bilmeýär.
Habarda Özbegistanyň bu meseläni çalt çözmek wadasyny berendigi bellenilýär. Türkmenistan, adatça, bu hili meseleler boýunça açyk düşündiriş bermeýär.
Merkezi Aziýa ýurtlaryndan alynýan elektrik togunyň kesilmeginiň arasynda, Owganystanyň Eýrandan alýan togunyň hem mesele bolandygy aýdylýar.
Eýran hem bu ýagdaýy tehniki näsazlyklar bilen düşündiripdir.
Maglumat üçin aýdylsa, Gyrgyzystanyň prezidenti hem gyş wagtynda elektrik kynçylyklarynyň ýüze çykýandygyny aýtdy.