Мемлекеттік кеңесші Ерлан Қарин Жазушылар одағының рөлі туралы айтты
Бүгін Қазақстан Жазушылар одағының құрылғанына 90 жыл толуына орай салтанатты жиын өтті. Онда Ерлан Қарин қатысып, сөз сөйледі.
Мемлекеттік кеңесші салтанатты жиында сөз өнерінің киелі ордасы туралы пікір білдірді.
"Қасиетті қара шаңырақ қазір мыңға жуық қаламгердің басын қосып отыр. Жазушылар одағы – Қазақстандағы ең ірі шығармашылық ұйым. Ең бастысы, ол ең қиын кездерден аман өтіп, тұтастығын сақтап қалды. Осы жылдар ішінде Одақ өркениетіміздің берік қорғанына айналды. Ұлт жанашырларын біріктірген киелі орда бола білді, қазір де солай", - деді Ерлан Қарин.