Ақтөбеде полиция 20-дан астам тұрғынды сан соқтырған күдіктіні ұстады, - деп хабарлайды Tengrinews.kz тілшісі Polisia.kz сайтына сілтеме жасап.
Полицияға алаяқтың құрбаны болған азаматтар жүгінді.
"Ол заңгерлік қызмет көрсету сылтауымен 22 ақтөбеліктің ақшалай қаражатын иемденген. Адвокаттың ақысын төлеген адамдар ешқандай көмек алмаған. Қазіргі уақытта 22 жәбірленуші анықталды, жалпы шығын 10 миллион теңгеге жуық", - делінген хабарламада.
Полицейлер 26 жастағы күдіктіні анықтап, ұстады. Алаяқтық дерегі бойынша соталды тергеп тексеру жүргізіліп жатыр. Күдікті уақытша ұстау изоляторына қамалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
