Ysraýylyň deňiz güýçleri 10-njy dekabr gijesi Siriýanyň deňiz flotuny ýok etdi diýip, Ysraýylyň goranmak ministri Ysraýyl Katz Haýfadaky deňiz bazasyna sapar edýän wagtynda aýtdy. Bu habary “The Times of Israel” çap etdi.
Katz ysraýyl güýçleriniň Siriýa bilen Golan belentlikleriniň arasyndaky bufer zonasyna ornaşmagyny artdyrýandygyny aýtdy.
Şeýle-de, Ysraýylyň howpsuzlygyna abanýan howpy ýok etmek üçin, ol Siriýanyň günortasynda ysraýyl goşunlarynyň hemişe bolmazlygynda steril gorag zolagynyň döredilmegine çagyrdy.
“The Times of Israel” gazetiniň çeşmeleri gämileriň Minet el-Beýda aýlagyna we Latakiýa portuna urlan raketa zarbalary netijesinde ýok edilendigini aýtdylar.
Arap metbugatynda ýaýradylan wideoýazgylarda Latakiýa portunda gark bolan söweş gämileri görkezilýär.
"Roýters" habar gullugy Ambreýe, iňlis deňiz howpsuzlyk kompaniýasyna salgylanyp, Siriýanyň azyndan bäş harby gämisiniň ýok edilendigini habar berdi.
Habarda portuň infrastrukturasyna göze görnüp duran zyýanyň ýetmändigi bellenýär.
