ҚазҰУ – PhD докторларын даярлауда көшбасшы университет
Әл-Фараби атындағы Қазақ ұлттық университеті (ҚазҰУ) – Қазақстанның жоғары білім және ғылым саласына орасан зор үлесін қосып келе жатқан беделді жоғарғы оқу орны. Сонымен қатар ҚазҰУ – Қазақстан және Орталық Азия жоғары оқу орындары арасында халықаралық рейтингте әлемдегі ТОП-200 университет қатарына енген алғашқы да жалғыз университет. QS World University Rankings 2025 рейтингісінде 163-орынға табан тіреген.
Тоқсан жылдық тарихында түрлі саланың майталмандарын дайындаған ҚазҰУ елімізде PhD докторларын даярлауда да көшбасшы университет болып табылады. Докторанттарды даярлауға бөлінетін мемлекеттік гранттың көбін де жыл сайын ҚазҰУ қанжығалайды. Университет ғылыми-педагогикалық бағыт бойынша докторантура бағдарламасы түлектеріне болашақта ғылыми, педагогикалық, басқарушылық қызметпен табысты айналысуға мүмкіндік беретін сапалы кәсіптік...