Varslingstenesta Varsom oppgraderer farevarselet for snøskred i Tromsø og Vest-Finnmark frå faregrad to til tre.
- Det er tildels store mengder snø tilgjengeleg for vinden. Dersom meldt kraftig vind slår til utpå dagen, kan det gje store flak av fokksnø som er lett å løyse ut. Skred kan bli store, står det i varselet. - Det er forhold for kantkorndanning i snødekket. Drønn i snødekket er tydelege teikn på aktive kantkornlag.
Onsdag blei ein skikøyrar tatt av eit snøskred i Tromsø. Ei kvinne blei delvis tatt, men ikkje gravlagd av skredet.
