د بشري حقونو څار ډله: سوریایي یاغیان د حماه تر نږدې څنډو رسېدلي
د اسلامپالو په مشرۍ دغه یاغیان د سوریې د څلورم لوی ښار په لور په سرعت مخته شوي او د سوریې یو شمېر شمالي برخې یې نیولي چې په دغه هېواد کې یې له څلورو کلونو راهیسې نسبي چوپتیا ماته کړې ده.
د سوریې د بشري حقونو د څار ډلې تېره شپه وویل چې یاغیان اوس د حماه ښار دروازو ته رسېدلي او د ښار په ځینو سیمو یې ډزې کړي دي.
د سوریې د بشري حقونو د څار ډله چې په بریتانیا کې مېشته ده، زیاتوي چې د حماه ښار شاوخوا د جګړې له امله ګڼ کسان د خپلو کورونو پرېښودو ته مجبوره شوي دي.