ერდოანმა და პუტინმა ტელეფონით ისაუბრეს სირიის გარშემო
ერდოანსა და პუტინს შორის საუბარი შედგა 3 დეკემბერს. თურქეთის და რუსეთის
პრეზიდენტებმა ხაზი გაუსვეს დიპლომატიის უცილებლობას ჩრდილოეთ სირიაში კონფლიქტის მოსაგვარებლად.
ამის ფონზე სირიელი მეამბოხეები სამთავრობო ძალების წინააღმდეგ ბრძოლაში მიუახლოვდნენ დიდ ქალაქ ჰამას, იტყობინებიან თვითონ მეამბოხეები და ომის დამკვირვებლები.
მანამდე მათ მოულოდნელად აიღეს ალეპო, რამაც შეძრა სირიის პრეზიდენტი ბაშარ ალ-ასადი.
ერდოანმა პუტინს უთხრა, რომ თურქეთი მხარს უჭერს სირიის ტერიტორიულ მთლიანობას და მიისწრაფვის ვითარების სამართლიანი და გრძელვადიანი მოწესრიგებისკენ სირიაში, ნათქვამია განცხადებაში.
"პრეზიდენტმა ერდოანმა აღნიშნა, რომ განსაკუთრებით მნიშვნელოვანია დიპლომატიური შესაძლებლობების გაფართოება ამ რეგიონში და აღნიშნა, რომ სირიის რეჟიმი ჩართული უნდა იყოს პოლიტიკური მოგვარების პროცესში", - ნათქვამია განცხადებაში. ერდოანმა ასევე თქვა, რომ სირია არ უნდა გახდეს უფრო დიდი არასტაბილურობის წყარო.
"ერდოანმა განაცხადა, რომ თურქეთი კვლავაც შეინარჩუნებს თავის მტკიცე პოზიციას ტერორისტულ ორგანიზაცია PKK-სა და მისი განშტოებების წინააღმდეგ ბრძოლაში, რომლებიც ცდილობენ, ისარგებლონ სირიაში ბოლო დროს განვითარებული მოვლენებით", - ნათქვამია განცხადებაში. სირიის ადამიანის უფლებების დაცვის სამეთვალყურეო ცენტრის თანახმად, 3 დეკემბრისთვის ჩრდილოეთში მეამბოხეების შეტევის შედეგად დაღუპულთა რიცხვი 602-მდე გაიზარდა, მათ შორის 104 მშვიდობიანი მოქალაქეა.