Ankarada Türkmenistanyň häkimiýetleri tarapyndan "Bikanun neşe gaçakçylygy" boýunça “gyzyl duýduryş” bilen gözlenýän Türkmenistanyň raýaty Aýnabat Ýegenowa tussag edildi. Bu barada 3-nji dekabrda Türkiýäniň habar serişdeleri mälim etdi.
Maglumata görä, Ýegenowa Ankara polisiýa müdirliginiň neşe serişdelerine garşy göreş bölüminiň toparlary tarapyndan Keçiören etrabynda geçirilen operasiýanyň netijesinde saklanypdyr.
Habarda Türkmenistanyň raýatyna garşy kazyýet işiniň dowam edýändigi aýdylýar.
Ýegenowanyň Türkmenistanda edendigi aýdylýan kanunbozmalarynyň jikme-jikleri aýan edilmeýär.
