Howpsuzlyk güýçleri 29-njy noýabr güni irden Tbiliside parlament binasynyň daşyndaky demonstrantlary dargatmak üçin göz ýaşardyjy gaz we suw toplaryny ulanyp, birnäçe adama, şol sanda AÝ/AR-nyň we beýleki neşirleriň žurnalistlerine hüjüm etdi.
Premýer-ministr Irakli Kobahidze bir gün ozal öz hökümetiniň ÝB-ne agzalyk gepleşiklerini 2028-nji ýyla çenli togtadýandygyny we Brýusseliň býujet grantlaryny kabul etmejekdigini mälim edeninden soň gahar-gazap bildirmek üçin ýygnanan müňlerçe adam parlamentiň öz howpsuzlyk derejesini iň ýokary derejä, gyzyla çykarmagyna sebäp boldy.
Oktýabr aýynda geçirilen parlament saýlawlaryndan bäri, "Gürjüstan arzuwynyň" 54% ses almagy bilen, Gürjüstan tolgunyşyklara gaplandy. Oppozisiýa agzalary we günbatar hökümetleri bu ses berişlige, Russiýanyň täsiri sebäpli, düzgün bozulmalarynyň kölege salandygyny aýtdylar.
Basyp ýatyrmalaryň dowam etmegi bilen, pitnä garşy polisiýa 29-njy noýabr güni irden parahatçylykly demonstrantlara garşy göz ýaşardyjy gaz we suw toplaryny ulandy, maskaly polisiýa rezin oklaryny atyp, demonstrantlara we žurnalistlere rehimsiz darady.
