Innfører nasjonal væpning av politiet i jula
På bakgrunn av ei trugselvurdering frå PST, er det bestemt at innsatspersonell i politiet skal vera væpna i høve religiøse høgtider i perioden 20. desember til 2. januar 2025. Det skriv politiet i ei pressemelding.
– Sjølv om det ikkje føreligg konkrete trugslar, har politidirektøren, etter ei samla vurdering bestemt væpna politiet for å sikra ein best mogleg beredskap i høve religiøse høgtider i perioden, seier seksjonssjef i Politidirektoratet Jørn Schjelderup.
Politiet seier folk kan merka at det er auka nærver av synleg og væpna politi i denne perioden, men oppfordrar alle til å feira høgtida som normalt.