Russiýa tarapdar syýasatçy Kalin Georgeskunyň ýokary galmagyna garşy gurnalan protestler 26-njy noýabrda rumyn paýtagty Buharestiň daşyna, ýurduň beýleki şäherlerine hem ýaýrady.
Georgesku hepde aýagynda geçirilen prezident saýlawlarynyň birinji tapgyrynda garaşylmadyk ýagdaýda ýeňiş gazandy.
Georgeskua garşy gurnalan protestler 26-njy noýabr agşamy Buharest, Timisoara, Iasi, Brasow we Sibiu şäherlerinde geçirildi.
Georgesku 24-nji noýabrda ÝB we NATO agzasy bolan döwletde geçirilen ilkinji saýlawda 22,94 göterim ses aldy we 8-nji dekabrda Günbatar tarapdary, Merkez-sagçy kandidat Ýelena Laskoni bilen bäsleşmeli.
Buharestde tapgyr ikinji gije geçirilen proteste, paýtagtyň Uniwersitet meýdançasyna Georgeskua garşy 1000 töweregi adam ýygnandy.
Köçelere çykanlaryň köpüsi Georgeskuyň radikal garaýyşlaryndan we ýurduň geljeginden alada galýan ýaşlardan ybarat.
