د پوځ له عملياتو وروسته د عمران خان پلويانو اسلاماباد کې پراخه مظاهرې لغوه کړې
د پاکستان د کورنیو چارو وزیر محسن نقوي د چهارشنبې په ورځ د (اګست ۷مه) په یوه خبري غونډه کې وویل، مظاهره کوونکي تیت شوي او اسلاماباد تخلیه شوی دی.
یوه پاکستاني امنیتي چارواکي د نوم د نه ښودلو په شرط ازادي راډیو ته وویل، شاوخوا ۵۰۰ مظاهره کوونکي نیول شوي دي.
د پاکستان تحریک انصاف ګوند نن په یوه بیان کې چې د دې ګوند پر ایکسپاڼه خپور شوی ویلي چې، په اسلاماباد کې په نښته کې د څلورو امنیتي ځواکونو او دوو مظاهرهچیانو په ګډون شپږ کسان وژل شوي دي.
دغه ګوند د پاکستان حکومت له مظاهرهچیانو سره په ظالمانه چلند تورن کړ.
په پېښور کې د پاکستان تحریک انصاف مشر هم په اسلاماباد کې د مظاهرې لغوه کېدل تایید کړل.
لاريون کوونکو د پاکستان له زندانه د عمران خان د ژر تر ژره خوشې کېدو غوښتنه کوله.
د تحریک انصاف ګوند مشر او پخواني لومړی وزیر عمران خان په ۱۵۰ قضیو تورن دی او له یوه کال راهیسې په بند کې دی.
د پاکستان تحریک انصاف ګوند وايي، پر عمران خان دا تورونه سیاسي انګېزه لري.