Türkmenistanyň Halk maslahatynyň başlygy Gurbanguly Berdimuhamedow 25-nji noýabrda iş maslahatyny geçirip, zähmet rugsadynda, dynç alyş günlerinde döredijilik bilen meşgul bolandygyny aýtdy.
Habarda aýdylmagyna görä, öňki prezident “kän oýlanyp, ...toplan maglumatlaryny kagyza geçirip, täze kitabyny ýazyp tamamlapdyr".
Berdimuhamedow täze kitabyny “Hakyda göwheri” diýip atlandyrypdyr. “Türkmenistanyň Hronikasy” neşirinyň hasabyna görä, bu öňki prezidentiň 2007-nji ýylda häkimiýet başyna gelen wagtyndan şu güne çenli ýazan 61-nji eseri bolýar.
Mundan öň, 2020-nji ýylyň awgustynda, Berdimuhamedowyň adyndan çap edilen kitaplaryň sanynyň 63 çemesi bolandygy habar berlipdi.
