«Ինտեր Մայամիի» և Արգենտինայի հավաքականի հարձակվող Լիոնել Մեսսին գրառում է կատարել Արգենտինայի հավաքականի լեգենդար ֆուտբոլիստ Դիեգո Մարադոնայի մահվան տարելիցի կապակցությամբ։
Մեսսին հրապարակել է 1986 թվականի աշխարհի առաջնության եզրափակչում Գերմանիայի դեմ Արգենտինայի հավաքականի հաղթանակից (3:2) լուսանկար, որում Մարադոնան համբուրում է չեմպիոնական գավաթը:
«Նա հավերժ է»,- գրել է Մեսսին։
Դիեգո Մարադոնան մահացել է 2020 թվականի նոյեմբերի 25-ին 60 տարեկան հասակում։ 1986 թվականի Աշխարհի չեմպիոնի մահվան պատճառը սրտի կանգն է: Մարադոնայի մահվան գործով ութ բուժաշխատողների մեղադրանք է առաջադրվել անզգուշությամբ մահ առաջացնելու համար:
