Պոգբայի եղբայրը կկանգնի դատարանի առաջ՝ Պոլից 13 միլիոն եվրո շորթելու մեղադրանքով
Մաթիաս Պոգբան, որը «Յուվենտուսի» նախկին կիսապաշտպան Պոլ Պոգբայի ավագ եղբայրն է, ինչպես նաև ֆրանսիացու հետ մտերիմ հինգ այլ անձ, կներկայանան Փարիզի քրեական դատարան՝ 2022 թվականին ֆուտբոլիստից 13 միլիոն եվրոյի շորթման փորձ կատարելու մեղադրանքով։ Այս մասին հայտնում է AFP-ն։
Դատական նիստը կկայանա այսօր՝ նոյեմբերի 26-ին։
Հիշեցնենք, որ 2022 թվականի գարնանը զինված մարդկանց մի խումբ, որոնց թվում, ենթադրաբար, եղել են Պոլ Պոգբայի մանկության ընկերները, ֆուտբոլիստից 13 մլն եվրո են պահանջել:
Մաթիասը, ըստ ենթադրյալ մեղադրանքների, ամիսներ շարունակ ճնշում է գործադրել Պոլի վրա, որպեսզի վերջինս վճարի գումարը: Նա ներկա չի եղել առևանգման գիշերը՝ 2022 թվականի մարտին, երբ ֆրանսիացի ֆուտբոլիստը հրազենի սպառնալիքով ստիպված է եղել լքել իր տունը։