Gazagystan türkmen bazaryna edýän ýeralma eksportyny 5 esse artdyrdy diýip, “Türkmenportal” Gazagystanyň Statistika edarasynyň maglumatlaryna salgylanyp habar berdi.
Resmi maglumata görä, Türkmenistan şu ýylyň ýanwar-awgust aýlarynda 17,5 müň tonna gazak ýeralmasyny import edipdir.
Bu görkeziji, geçen ýylyň degişli döwri bilen deňeşdirilende, 5 esse köp gazak ýeralmasynyň import edilendigini görkezýär.
Şeýlelikde, Türkmenistan bu ýurtdan bu ýeralma satyn almakda Özbegistandan (252,3 müň tonna) we Täjigistandan (34 müň tonna) soň üçünji orny eýeläpdir.
Habarda bellenmegine görä, Gazagystan bu döwürde daşary ýurtlara umumy bahasy 32,7 million amerikan dollaryna deň bolan (305,4 müň tonna) ýeralmany eksport edipdir. Bu ýurduň geçen ýylyň 8 aýyna garanda 2,6 esse kän ýeralma eksport edendigini görkezýär.
Türkmenistan daşary ýurtlardan import edýän azyk önümleri barada maglumat bermeýär we ýurtda azyk howpsuzlygynyň aňryýany bilen üpjün edilendigini tekrarlaýar.
