რუმინეთში კვირას საპრეზიდენტო არჩევნები ტარდება. სახელმწიფოს მეთაურის პოსტისთვის 13 კანდიდატი იბრძვის. მაგრამ ამავე დროს, ბიულეტენებზე 14 სახელია, რადგან ეროვნულ-ლიბერალური პარტიის კანდიდატმა, ლუდოვიკ ორბანმა არჩევნებში მონაწილეობაზე უარი ბოლო მომენტში თქვა. შესაბამისად მისი სახელი ბიულეტენებიდან არ ამოიღეს.
წინასაარჩევნო გამოკითხვების შედეგების მიხედვით, კანდიდატთა შორის ყველაზე პოპულარულია რუმინეთის ამჟამინდელი პრემიერ-მინისტრი და სოციალ-დემოკრატიული პარტიის (PSD) ხელმძღვანელი მარსელ ჩიოლაკუ. მისი ყველაზე სერიოზული კონკურენტია ულტრამემარჯვენეების წარმომადგენელი, გეორგე სიმიონი. ნაციონალისტური შეხედულებების სიმიონიმ ევროპულ მედიასთან ინტერვიუში მან იტალიის პრემიერ-მინისტრ ჯორჯა მელონისა და აშშ-ის არჩეულ პრეზიდენტ დონალდ ტრამპს კერპები უწოდა. მოლდოვამ და უკრაინამ სიმეონი პერსონა ნონ გრატად გამოაცხადეს და თავიანთ ტერიტორიებზე შესვლა აუკრძალეს.
ამ ორი ფავორიტის გარდა, პრეზიდენტობისთვის იბრძვიან ელენა ლასკონი, რუმინეთის ხსნის კავშირის ხელმძღვანელი, ნატოს გენერალური მდივნის ყოფილი მოადგილე, მირჩა ჯოანი, თავდაცვის ყოფილი მინისტრი, გენერალი ნიკოლაე ჩიუკე და სხვა პოლიტიკოსები.
თუ პირველ ტურში ხმათა უმრავლესობას ვერც ერთი კანდიდატი ვერ მოიპოვებს, მეორე ტური 8 დეკემბერს დაინიშნება.
რუმინეთის პრეზიდენტი ორი ვადით იყო პროდასავლელი პოლიტიკოსი კლაუს იოჰანისი.
