Մադրիդի «Ռեալը» ընդհանուր ժողով է անցկացրել, որի ընթացքում նախագահ Ֆլորենտինո Պերեսը հանդես է եկել բացման խոսքով՝ անդրադառնալով տարբեր թեմաների։
Պերեսը խոսել է Վինիսիուս Ժունիորի մասին, որն անցած ամիս չհաղթեց «Ոսկե գնդակը», ինչպես նաև քննադատել մրցանակի կազմակերպիչներին։
«Մենք հպարտ ենք, որ Վինիսիուսի պես խաղացող ունենք։ Մեր և ֆուտբոլի սիրահարների մեծ մասի համար նա աշխարհի լավագույն ֆուտբոլիստն է։ Թանկագի'ն Վինի, ուզում եմ, որ դու իմանաս՝ «Ռեալը» հպարտ է քեզնով և այն ամենով, ինչ դու ստիպված ես հաղթահարել, հաճախ անարդար։ Այս ամենն է քեզ դարձրել այնպիսի ֆուտբոլիստ, ինչպիսին դու այսօր ես։
Մենք պետք է հարց տանք «Ոսկե գնդակի» կազմակերպիչներին՝ ինչ չափանիշներով են ընտրվում լրագրողները, որոնք քվեարկում են այս մրցանակի համար»,- նշել է «Ռեալի» նախագահը։
