د امریکا د متحدایالتونو دفاع وزیر لوید اسټین وايي، واشنګټن په لبنان کې د روان کړکېچ ډیپلوماتیک حل ته ژمن دی.
هغه په عینحال کې له اسرايیل غوښتنه وکړه، چې په غزه کې د ناوړه وضعیت د ښه کېدو لپاره اقدام وکړي.
د رسنیو راپورونه وايي، ښاغلي اسټین نن شنبه له خپل اسرايیلي سیال ایسرایل ګتځ سره په ټلیفوني مکالمه کې دا څرګندونې وکړې.
د امریکا د دفاع وزارت یا پنټاګون ویاند ویلي، اسټین په دغو خبرو کې ټینګار وکړ، چې د امریکا متحدایالتونه په لبنان کې ډیپلوماتیکې حل لارې ته ژمن دی.
د ده په وینا په دغو خبرو کې د امریکا دفاع وزیر په غزه کې د بشري وضعیت د بهترۍ لپاره له اسرايیل د عملي اقداماتو غوښتنه وکړه.
