Այն պետությունները, որոնք Միջազգային քրեական դատարանը (ՄՔԴ) ճանաչում են Հռոմի ստատուտին համապատասխան, պարտավոր են կատարել նրա որոշումները: Այդ մասին հայտարարել է ՄԱԿ-ի Մարդու իրավունքների գերագույն հանձնակատարի վարչության պաշտոնական ներկայացուցիչ Ջերեմի Լոուրենսը՝ պատասխանելով Իսրայելի վարչապետ Բենիամին Նեթանյահուի ձերբակալության վերաբերյալ ՄՔԴ-ի օրդերը մեկնաբանելու «ՌԻԱ Նովոստի»-ի խնդրանքին:
«Մենք հարգում ենք Միջազգային քրեական դատարանի անկախությունն ու իրավասությունը և լիովին աջակցում ենք միջազգային ամենածանր հանցագործությունների համար պատասխանատվության ենթարկելու նրա աշխատանքին։ Հռոմի ստատուտի մասնակից պետությունները (125 պետություն-խմբ.) պարտավոր են հարգել և ի կատար ածել դատարանի որոշումը»,- ասել է նա:
Ավելի վաղ ՄՔԴ-ն Իսրայելի վարչապետ Բենյամին Նեթանյահուի և երկրի պաշտպանության նախկին նախարար Յոավ Գալանտի ձերբակալման օրդեր էր տվել Գազայի հատվածում ենթադրյալ ռազմական հանցագործությունների համար: Դատարանը նաև մերժել Է Իսրայելի փաստարկները, որոնք փորձել են վիճարկել դատարանի իրավասությունը՝ իր քաղաքացիների նկատմամբ երաշխավորագրեր տալու համար:
