Türkmenistan bilen Özbegistanyň arasyndaky özara söwda dolanyşygy şu ýylyň 10 aýynda 950 million amerikan dollaryna golaý boldy diýip, “Türkmenportal” Özbegistanyň resmi maglumatlaryna salgylanyp habar berýär.
Ýylyň ýanwar-oktýabr aýlarynda Türkmenistanyň Özbegistana eden eksportynyň umumy mukdary 848,5 million amerikan dollaryna barabar bolup, geçen ýylyň degişli döwründäkiden 53 million amerikan dollary möçberinde ýokarlandy diýip, habarda aýdylýar.
Bu döwürde Türkmenistanyň Özbegistandan import eden harytlarynyň we hyzmatlarynyň umumy bahasy 99,2 million amerikan dollaryna deň bolupdyr.
Bu Türkmenistanyň Özbegistanyň esasy daşary söwda hyzmatdaşlarynyň sanawynda 7-nji orny eýeländigini görkezýär.
Habarda aýdylmagyna görä, Özbegistanyň 10 aýdaky umumy daşary söwda dolanyşygy 54 milliard 367 million amerikan dollaryndan gowrak bolupdyr.
