Алматыда ер адам қоғамдық көлік бақылаушысын пышақтап, қашып кеткен, - деп хабарлайды Tengrinews.kz тілшісі.
Алматы қаласы Полиция департаменті мәліметінше, шабуыл Наурызбай ауданындағы соңғы аялдамалардың бірінде болған.
"Автобустың бақылаушысы өтіп бара жатқан адамға рұқсат етілмеген жерде шылым шеккені үшін ескерту жасаған. Осыған байланысты ер адамдар арасында жанжал туындады. Кейін ер адам автобус салонына жүгіріп кіріп, қарсыласына пышақ жарақатын салды", - деді Алматы ПД бастығының бірінші орынбасары, полиция полковнигі Қуатбек Науатов.
Автобус контролері жедел жәрдем бригадасымен шұғыл түрде ауруханаға жеткізілген.
"Аталған дерек бойынша қылмыстық іс қозғалды. Күдікті "ізін суытпай" ұсталды. Ол уақытша ұстау изоляторына қамалды. Қылмыс қаруы - асүй пышағы тәркіленді", - деп толықтырды Науатов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
