«Մանչեսթեր Յունայթեդ»-ի գլխավոր մարզչի կինը ծաղրել է ամուսնուն՝ դպրոցը չավարտելու համար
«Մանչեսթեր Յունայթեդ»-ի նորանշանակ գլխավոր մարզիչ Ռուբեն Ամորիմը չի ավարտել դպրոցը, հայտնում է The Sun-ը։
Աղբյուրի համաձայն՝ պորտուգալացու կինը հաճախ է շահարկում այս փաստը ամուսնուն ծաղրելու համար։ Ամորիմը պատմել է, որ 17 տարեկանում որոշել է թողնել դպրոցը՝ առանց քննությունները հանձնելու, քանի որ ստորագրել է իր առաջին պրոֆեսիոնալ պայմանագիրը։
«Մորս հետ պայմանավորվածություն ունեի․ նախքան պրոֆեսիոնալ պայմանագիր կնքելը ես պետք է գնայի դպրոց։ Եվ այնպես ստացվեց, որ ես ստորագրեցի այն, երբ ես 17 տարեկան էի: Հիմա ես իսկապես ափսոսում եմ դրա համար: Եթե քննություններս հանձնեի, կկարողանայի ավարտել 12-րդ դասարանը։ Ես կարող էի նաև բարձրագույն քոլեջ ընդունվել»:
Ամորիմի կինը համալսարանական կրթություն ունի և ինժեներ-էլեկտրիկ է, ուստի սիրում է կատակել ամուսնու հետ դպրոցը չավարտելու մասին:
Մարիան այժմ աշխատում է որպես ինտերիերի դիզայներ։ Նա և Ամորիմն ամուսնացել են 2013 թվականին և ունեն երկու երեխա։
Ամորիմը նախկինում մարզել է Լիսաբոնի «Սպորտինգը», որի հետ երկու անգամ նվաճել է Պորտուգալիայի չեմպիոնի տիտղոսը։