Қазақстанда оқушыларды тамақтандырудың жаңа стандарты әзірленеді. Бұл туралы денсаулық сақтау министрі Ақмарал Әлназарова айтты, - деп хабарлайды Massaget.kz.
Әлназарованың айтуынша, кейінгі екі жылда Қазақстанда 1-4 сынып оқушылары тегін тамақтанады. Бұған жыл сайын 175 миллиард теңгеден аса қаржы бөлінеді.
"Бүгінгі таңда келесі қадамды жасау маңызды: еліміздің барлық мектебі үшін балаларымыздың сапалы, теңдестірілген және қауіпсіз тамақтануының кепілі болатын жаңа стандартты әзірлеу", - деп жазды Әлназарова әлеуметтік желіде.
Оның айтуынша, оқу-ағарту министрі Ғани Бейсембаевпен бірге ЮНИСЕФ-тің қолдауымен мектептегі тамақтану мәселелерін талқыланған.
Еске салайық, бұған дейін Қазақстандағы мектеп тамағының кемшілігі барын жазған болатынбыз. Тағам заманауи принциптерге сәйкес келмейді. Азық-түлікте қант, тұз, қаныққан май, өңделген тағамдар және жемістер, көкөністер мен сүт өнімдері көп.
