Չեմ բացառում, որ ռուսներն ասեն Թրամփին՝ վերադարձրեք մեզ Հարավային Կովկասը՝ մեր պատմական ազդեցության գոտին։
«Կիզակետում Արկադի Գրիգորյանի հետ» հաղորդման ժամանակ ասել է միջազգայնագետ Սուրեն Սարգսյանը․
«Դա կարող է լինել գլոբալ պայմանավորվածությունների արդյունքում։ Բնական է, որ Թրամփը չի պայմանավորվելու միայն ռուս-ուկրաինական հակամարտության կամ Չինաստանի հետ հարաբերությունների հարցում։ Նա եկել է հենց գլոբալ պայմանավորվածությունների համար։
Թրամփի առաջին ժամկետն ու ներկայիս ժամկետը տարբերվում են, հիմա աշխարհն այլ է, գնում է բազմաբևեռության և դա ԱՄՆ-ում ընկալում են։
Թրամփի համար առաջնահերթություն է լինելու ռուս-ուկրաինական պատերազմի դադարեցումը։ Փորձելու է բանակցել Ուկրաինայի և Ռուսաստանի հետ։ Առաջիկայում ականատես կլինենք Պուտինի հետ ինչ որ շփման, եթե ոչ ուղիղ, ապա միջնորդավորված շփումների։
Թրամփի գալով՝ Ուկրաինայում խաղաղության կամ հրադադարի շանսերն ավելանում են։ Անգամ, եթե խաղաղության վերջնական համաձայնագիր չլինի, կոնֆլիկտի սառեցում կամ ակտիվ գործողությունների դադարեցում կլինի»,- նշել է փորձագետը։
Հարցազրույցն ամբողջությամբ՝ տեսանյութում․
