ԱՄՆ կիբեռանվտանգության գործակալությունը չի արձանագրել միջամտություն երկրի նախագահական ընտրություններին
ԱՄՆ կիբեռանվտանգության և ենթակառուցվածքների պաշտպանության գործակալությունը (CISA) չի արձանագրել նոյեմբերի 5-ին երկրում կայացած ընտրություններին վնասելու որևէ գործողություն: Այդ մասին CBS-ին հայտնել է կազմակերպության տնօրեն Ջեն Իսթերլին:
«Տեսանք ժողովրդավարության խաղաղ և անվտանգ իրականացում: Հատկապես կարևոր է, որ չունենք որևէ վնասակար ակտիվության ապացույց, որը կարող էր գործնական ազդեցություն ունենալ ընտրությունների ենթակառուցվածքների անվտանգության ու ամբողջականության վրա»,- նշել է նա:
Ջեն Իսթերլին հայտնել է նաև, որ այժմ ընտրական տեղամասերի աշխատակիցների խնդիրն է իրականացնել ընտրությունների հավաստագրման գործընթացը։