Հաջորդ տարվա աշխարհի ակումբային առաջնության կանոնակարգում փոփոխություններ են կատարվել
Հայտնի են դարձել 2025 թվականի հունիսի 15-ից հուլիսի 13-ը կայանալիք աշխարհի ակումբային առաջնության կանոնակարգի մանրամասները։ Այս մասին հայտնում է Sky Sport-ը։
Աղբյուրի համաձայն` մրցաշարը կունենա հետևյալ կանոնները` ակումբները պետք է խաղան ուժեղագույն կազմերով, այն թիմը, որը հրաժարվում է մասնակցել, ստիպված կլինի վճարել մոտ 600 հազար եվրո տուգանք, նախնական հայտացուցակում՝ 26-50 խաղացող, հիմնական հայտացուցակում՝ 26-53 խաղացող, մրցաշարի ընթացքում խաղացողները կարող են խաղալ միայն մեկ թիմի համար, թիմերը պետք է ուսումնամարզական հավաքի ժամանեն առաջին խաղի մեկնարկից առնվազն հինգ օր առաջ:
ՖԻՖԱ-ն ավելի վաղ հայտարարել էր, որ նոր տրանսֆերային պատուհանը կգործի հունիսի 1-10-ը։ Այս տրանսֆերային պատուհանի աշխատանքներին մասնակցելու որոշումը կկայացնի ՖԻՖԱ-ի յուրաքանչյուր անդամ ասոցիացիա: