Шымкент Қылмыстық істер жөніндегі ауданаралық соты діни алауыздықты қоздыруға бағытталған қасақана әрекеттері үшін айыпталған әйелге қатысты қылмыстық істі қарады, - деп хабарлайды Tengrinews.kz тілшісі.
Сот мәліметінше, неотенгризмді ұстанған қазақстандық әйел бір жылға жуық уақыт бойы TikTok әлеуметтік желісінде тікелей эфирлер өткізіп, оның барысында діни алауыздық тудырған.
Сотталушы өз кінәсін мойындап, оған жеңіл жаза тағайындауды өтінді. Прокурор өз кезегінде соттан бас бостандығын шектеу жазасын тағайындауды сұрады.
Сотталушының шын жүректен өкінуі және ауырлататын мән-жайлардың болмауы түріндегі жеңілдететін мән-жайларды ескере отырып, сот әйелді екі жылға бас бостандығын шектеуге үкім шығарды.
Үкім заңды күшіне енген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
