აშშ-ის იუსტიციის სამინისტრომ ამერიკული კომპანია Eleview International Inc-ის ორი ხელმძღვანელი დაადანაშაულა სანქციების გვერდის ავლით მილიონობით დოლარის ღირებულების ტექნოლოგიების რუსეთში ექსპორტის გამო.
ბრალდებულები, 54 წლის ოლეგ ნაიანდინი და 39 წლის ვიტალი ბორისენკო ვირჯინიის სასამართლოს წინაშე წარდგნენ.
ბრალდების მხარის განცხადებით, ბრალდებულებმა სამი სქემა გამოიყენეს უკრაინაში სრულმასშტაბიანი სამხედრო შეჭრის საპასუხოდ. რუსეთისთვის დაწესებული დასავლური სანქციების გვერდის ავლით.
გამოძიებამ დაადგინა, რომ ნაიანდინმა და ბორისენკომ ონლაინ მაღაზიის ვებგვერდი შექმნეს, რომელიც რუსეთიდან ჩამოსულ მომხმარებლებს საშუალებას აძლევდა პირდაპირ ამერიკელი მომწოდებლებისთვის შეეკვეთათ საქონელი. შემდეგ კი კომპანია Eleview-ის საწყობიდან საქონელი საბოლოო მომხმარებლებისთვის თურქეთში, ფინეთსა და ყაზახეთში იგზავნებოდა. სინამდვილეში, მათ რუსეთში მყოფი მომხმარებლები იღებდნენ.
საბრალდებო დასკვნაში ნათქვამია, რომ Eleview-ის ხელმძღვანელებმა განზრახ შეცდომაში შეიყვანეს აშშ-ს ხელისუფლება და სატვირთო ექსპედიტორები, რომლებსაც განუცხადეს, რომ პროდუქციის საბოლოო მომხმარებლები რუსეთში არ იმყოფებოდნენ.
ბრალდებულებს 20 წლამდე თავისუფლების აღკვეთა ემუქრებათ.
