Գիտնականները պարզել են աշխարհում աղքատ մարդկանց թիվը
ՄԱԿ-ի զարգացման ծրագրի (UNDP) և բրիտանական Oxford Poverty and Human Development Initiative (OPHI) փորձագետները գնահատել են ամբողջ աշխարհում աղքատ մարդկանց թիվը: Հետազոտությունը հրապարակվել է OPHI-ի պաշտոնական կայքում։
Զեկույցի համաձայն, աշխարհի բնակչության 1,1 միլիարդն ապրում է աղքատության մեջ։ Ավելին, նրանց 40%-ը (455 մլն մարդ) ապրում է պատերազմներից, անկայունությունից և/կամ խաղաղության ցածր մակարդակից տուժած երկրներում։
«Մենք պարզեցինք, որ աղքատության մակարդակը շատ ավելի բարձր է հակամարտություններից տուժած շրջաններում: Պատերազմի մեջ գտնվող երկրներում յուրաքանչյուր երրորդ մարդն աղքատ է (34,8%), մինչդեռ այն երկրներում, որոնք չեն տուժել հակամարտությունից, յուրաքանչյուր իններորդն է (10,9%)»,- Գազետա.ռու-ի հաղորդմամբ, նշված է զեկույցում։
Գիտնականները նշել են, որ 1,1 միլիարդ աղքատ մարդկանց կեսից ավելին 18 տարեկանից ցածր երեխաներ են (584 միլիոն)։ Աշխարհում գրեթե մեկ երրորդը (27,9%) ապրում է աղքատության մեջ՝ համեմատած մեծահասակների 13,5%-ի հետ։
Բացի այդ, աղքատների ճնշող մեծամասնությունը չունի սանիտարական պայմաններ (828 միլիոն), բնակարաններ (886 միլիոն) կամ ճաշ պատրաստելու վառելիք (998 միլիոն):