ირაკლი კობახიძემ კულტურის მინისტრად თინათინ რუხაძე დანიშნა

მთავრობის ადმინისტრაციაში გამართულ ბრიფინგზე პრემიერ-მინისტრმა ირაკლი კობახიძემ კულტურისა და სპორტის მინისტრის თანამდებობაზე თინათინ რუხაძე დაასახელა.


2016 წლიდან დღემდე, რუხაძე იყო თბილისის მოსწავლე-ახალგაზრდობის ეროვნული სასახლის დირექტორი.


პრემიერის თქმით, არჩევნების დასრულებისთანავე იქნება ინიციირებული საკანონმდებლო ცვლილება, რომლის მიხედვითაც, კულტურისა და სპორტის სამინისტრო გაიყოფა და თინათინ რუხაძე კულტურისა მინისტრის თანამდებობას დაიკავებს.


შალვა გოგოლაძე, რომელიც ახლა მინისტრის პირველ მოადგილედ დაინიშნა, კობახიძის თქმით, მომავალში სპორტის სამინისტროს უხელმძღვანელებს. იგი 2015 წლიდან  იკავებდა მინისტრის მოადგილის თანამდებობას და სპორტის მიმართულებას კურირებდა.


პრემიერ-მინისტრმა კულტურისა და სპორტის ყოფილ მინისტრს, თეა წულუკიანს, გაწეული საქმიანობისთვის მადლობა გადაუხადა.




თეა წულუკიანი „ქართული ოცნების" საარჩევნო სიაში მე-6 ადგილს იკავებს. საპარლამენტო არჩევნები 26 ოქტომბერს გაიმართება.