Պետք է էլեկտրոնային զբոսավար լինի փակցված սյուների վրա. Փաշինյանը Շիրակի Երերույքի տաճարի ամրակայման աշխատանքներին է ծանոթացել (տեսանյութ)
Այսօր վարչապետ Նիկոլ Փաշինյանն այցելել է Շիրակի մարզ:
Երերույքի 4-5-րդ դարերի տաճարում իրականացվում են ամրակայման աշխատանքներ: Վարչապետը տեղում ծանոթացել է տարվող աշխատանքներին և հրահանգներ տվել:
«Պետք է անպայման QR կոդեր դնել, մեծ ծախսեր սրանց վրա չանել: Կարելի է մի հատ փոքր սյուն դնել, QR կոդը վրան դնել ու վերջ, ո՛չ սրա վրա ծախս անել, ո՛չ սրա, ո՛չ էլ տակի բետոնի:
Տաճարի մասին կարա լինի ձայնային ինֆորմացիա, էլեկտրոնային զբոսավար լինի փակցված պուճուր սյուների վրա, կամ մի QR կոդով համար ներդրած, որ մարդ ականջակալներ դրած գա պտտվի ու իրեն անհրաժեշտ ինֆորմացիան ստանա»,- ասաց վարչապետը:
Նրան ուղեկցող ԿԳՄՍ նախարար Ժաննա Անդրեասյանն էլ արձագանքեց. «Ինչ այստեղ տեսնում եք նախնական է, հաշվի կառնենք Ձեր ասածները»:
Ծրագրի ընդհանուր արժեքը 495 մլն դրամ է, այն իրականացվում է ԿԳՄՍ նախարարության և Հայաստանում ԱՄՆ դեսպանության համագործակցությամբ:
Ծրագիրն իրականացվելու է 5 փուլով, ներկայում ընթացքի մեջ է առաջին փուլը:
Նախագծի հեղինակը Հայաստանի Ճարտարապետության և շինարարության ազգային համալսարանն է»,- գրել է նա: