Қазақстандық жедел жәрдем шақырғаны үшін 80 мың төлейді
Ақтау тұрғыны жедел жәрдем бригадасын әзіл үшін шақырған. Енді оған 80 000 теңге көлемінде айыппұл төлеуге тура келеді. Маңғыстау облыстық Жедел және шұғыл медициналық жәрдем станциясының баспасөз қызметі оқиғаның егжей-тегжейін айтып берді, - деп хабарлайды Tengrinews.kz тілшісі Lada-ға сілтеме жасап.
Оқиға 14 қазанда болған. 103 пультіне Ақтау тұрғынынан дәрі-дәрмекті көп мөлшерде ішу туралы шақыру келіп түсті.
"Жедел жәрдем бригадасы шақыруға шыққанда, тұрғын пранк үшін шақырғанын айтты", - деді медициналық мекеменің баспасөз қызметі.
Осыған байланысты шақыру жалған болып тіркелді - Әкімшілік құқық бұзушылық туралы Кодекстің 438-бабына сәйкес. Осы бапқа сәйкес, мемлекеттік өртке қарсы қызмет, полиция, жедел медициналық көмек, авариялық қызметтер органдарын көрінеу жалған шақыртқаны үшін жеке тұлғаларға 30 АЕК (2024 жылы 110 760 теңге) мөлшерінде айыппұл қарастырылған.
Әкімшілік жаза қолданылғаннан кейін бір жыл ішінде не аварияны, өрттерді, дүлей зілзалалардың зардаптарын жою кезеңінде жасалған құқық бұзушылық қайталанған жағдайда жеке тұлғаларға айыппұл 60 АЕК-ке дейін ұлғайтылады (2024 жылы 221 520 теңге).
Нәтижесінде арнайы қызметке көрінеу жалған қоңырау шалғаны үшін ер адамға 80 000 теңге айыппұл салынған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!