Պարզապես հիմա մի շրջան է, երբ մենք պետք է աշխատանքի միջոցով փոխենք իրավիճակը. Բայրամյանը՝ թիմի արդյունքների մասին
Հայաստանի ազգային հավաքականի և «Ռոստովի» կիսապաշտպան Խորեն Բայրամյանը խոսել է Ռուսաստանի առաջնությունում թիմի գրանցած վերջին արդյունքների մասին։
«Դժվար է ասել, թե ինչ եղավ մեզ հետ։ «Սպարտակի» հետ նույն խաղում մենք լավ խաղացինք առաջին կես ժամում, բայց հետո մեր դարպասին խփած գոլը փոխեց հանդիպման ընթացքը։ Բառերով չեմ կարող բացատրել։ Ես նաև չեմ կարող նշել մեր պարտությունների շարքի կոնկրետ պատճառները: Պարզապես հիմա մի շրջան է, երբ մենք պետք է աշխատանքի միջոցով փոխենք իրավիճակը: Մենք լավ սկսեցինք մրցաշրջանը, լավ խաղացինք առաջին 5 տուրերում, բայց ձախողեցինք աշնան առաջին կեսում:
Հարցեր կարող ենք ունենալ միայն մեզ համար՝ ոչ թե մարզչական շտաբի, այլ կոնկրետ խաղացողների: Մենք պետք է դա պարզենք մեր ներսում, ավելի լավ աշխատենք և հնարավորինս արագ դուրս գանք ստեղծված իրավիճակից։ Բախտը միշտ պետք է վաստակել, ուրիշ ոչինչ: Մենք պետք է աշխատենք մարզումների ժամանակ, և նա կվերադառնա»,- ասել է Բայրամյանը «Известия»-ին :
Նշենք, որ ՌՊԼ-ի 11 տուրերից հետո «Ռոստովը» 9-րդն է՝ 12 միավորով։