Համառուսաստանյան պետական հեռուստառադիոհեռարձակման ընկերության (ВГТРК)
առցանց հեռարձակումն ու ներքին ծառայությունները դադարեցրել են աշխատանքը հաքերային հարձակման պատճառով։ Այս մասին Gazeta.Ru-ին հայտնել է աղբյուրը։
«ВГТРК-ն ենթարկվել է աննախադեպ հաքերային հարձակման։ Առցանց հեռարձակումն ու ներքին ծառայությունները չեն աշխատում, նույնիսկ ինտերնետ և հեռախոսային կապ չկա։ Սա երկար կտևի։ Լսել եմ, որ սերվերներից ջնջել են ամեն ինչ, ներառյալ կրկնօրինակները։ Խնդիրը, ինչպես հասկանում եմ, շատ լուրջ է, իսկ կարգավորումը երկար ժամանակ կպահանջի»,- ասել է աղբյուրը։
Ընկերությունը Gazeta.Ru-ին հայտնել է, որ «հնարավոր չէ» մեկնաբանել հաքերային հարձակման մասին լուրերը։
ВГТРК հոլդինգը ներառում է դաշնային ալիքներ՝ «Ռոսիա 1», «Ռոսիա-24», «Ռոսիա Կուլտուրա» դաշնային հեռուստաալիքները, Ռուսաստանի բոլոր մարզերում հեռարձակվող ավելի քան 80 տարածաշրջանային հեռուստառադիոընկերություններ, արտասահմանում հեռարձակվող «ԷռՏեԷռ Պլանետա» հեռուստաալիքը, «Ռադիո Ռոսիի», «Մայակ», «Կուլտուրա», «Վեստի FM», «Յունոստ» ռադիոալիքները:
