Eit samarbeid mellom fleire land har ført til ein stor aksjon mot den krypterte kommunikasjonsplattforma Ghost. Appen blir mellom anna brukt av svenske kriminelle.
Ghost har blitt brukt til ei rekke kriminelle aktivitetar som narkotikasmugling, kvitvasking og vald.
Det er 51 personar som har blitt arresterte som følge av aksjonen. 38 i Australia, 11 i Irland, ein i Canada og ein i Italia.
– Eit stort gjennombrot mot organisert kriminalitet, seier Cathrine De Bolle, Europol-sjefen.
Ifølge Europol har dei hindra fleire drapstruslar, avdekka eit narkotika-laboratorium og beslaglagt narkotika, våpen og over 1 million euro i kontantar.
Samarbeidet byrja i mars 2022. Australia, Canada, Frankrike, Island, Irland, Italia, Nederland, Sverige, og USA var med på aksjonen.
