Գերմանիայի Բունդեսթագի արտաքին հարաբերությունների հանձնաժողովի նախագահը կժամանի Հայաստան
Գերմանիայի Բունդեսթագի արտաքին հարաբերությունների հանձնաժողովի նախագահ Միխայել Ռոթը սեպտեմբերի 18-19-ը կայցելի Հայաստան։
Ինչպես տեղեկանում ենք Հայաստանում Գերմանիայի դեսպանության տարածած հաղորդագրությունից, այցի շրջանակում կքննարկվի աջակցությունը Հայաստանի քաղաքական բարեփոխումներին, Հայաստանի մերձեցումը Եվրամիությանը, Ադրբեջանի հետ խաղաղության շուրջ բանակցությունները և անվտանգային իրավիճակը Հարավային Կովկասում։
Միխայել Ռոթը հանդես կգա նաև մամուլի ասուլիսով:
Օրակարգի հետ կապված այլ մանրամասներ դեռևս հայտնի չեն:
Published by Armenpress, original at https://armenpress.am/hy/article/1200031