1 տարի առաջ կոմայի մեջ հայտնված ու սրտի զարկերը վերականգնված զինծառայող Նարեկ Պողոսյանն ապաքինվում է Զինվորի տանը (տեսանյութ)
«Զինվորի տուն» վերականգնողական կենտրոնը ֆեյսբուքյան էջում գրառում է արել ու տեսանյութ հրապարակել 1 տարի առաջ սրտի զարկերը վերականգնված զինծառայող Նարեկի մասին, որն այժմ Զինվորի տանն է․
«Հիշո՞ւմ եք այն տղային, որ ուղիղ մեկ տարի առաջ նրա մահվան լուրին հաջորդեց տեղեկությունը, թե՝ սրտի զարկերը վերականգնվել են… Նարեկն էր, ողջ է և առողջ։
Անցյալ տարվա սեպտեմբերին Սոթքում վիրավորած ու կոմայի մեջ հայտնված Նարեկն արդեն խոսում է, քայլում, ցավազրկողներից հրաժարվել է, զբոսանքի է գնում։ «Պինդ մնացեք, տղե՛ք, գալիս եմ»։ Հիշողության մեջ դաջված վերջին նախադասությունն է, որ բացականչել էր վիրավոր ընկերների մոտ սլանալիս՝ քանի դեռ ինքը չէր վիրավորվել:
Այժմ Նարեկը Զինվորի տանն է։ Մի քանի օրից տուն կգնա»,- ասված է գրառման մեջ։