Kim Jong-un besøkte atomanlegg
Nord-Korea har for fyrste gong publisert bilete frå staden der det lukka landet anrikar uran. Det radioaktive grunnstoffet kan brukast som brensel i atomvåpen.
Fredag besøkte leiaren Kim Jong-un anlegget, melder det statlege nyheitsbyrået KCNA.
Kim blei der orientert om produksjonen. Samstundes la han fram planar om å styrke landet sin kjernefysiske kapasitet.
Nord-Korea sitt atomprogram strir mot FN sin ikkje-spreiingsavtale. Landet utførte ifylgje Reuters si fyrste prøvesprenging i 2006.
Ifylgje fredsforskingsinstituttet Sipri i Stockholm, har Nord-Korea rundt 50 atomstridshovud. Det nøyaktige talet er ikkje kjent, skriv NTB.