Գազայի հատվածում հրադադարի շուրջ բանակցությունները ներկայումս պաշտոնապես չեն ընթանում։
Այս մասին հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
«Այն, ինչ տեղի չի ունենում, պաշտոնական, փուլային բանակցություններն ու միջնորդություններն են, ինչպես դա տեղի ունեցավ վերջին մի քանի շաբաթների ընթացքում Դոհայում և Կահիրեում։
Այնպես որ, հիմա պաշտոնական բանակցություններ չեն անցկացվում»,-հայտարարել է նա։
Քիրբին նաև հայտարարել է, որ ՀԱՄԱՍ-ի և Իսրայելի միջև տարաձայնությունները հաղթահարելու հնարավորություն դեռ կա: