ԱՄՆ-ն լավ գիտի, թե որոնք են Ռուսաստանի կարմիր գծերը, դրանց հետ կատակելու կարիք չկա, ասել է ՌԴ ԱԳ նախարար Սերգեյ Լավրովը՝ մեկնաբանելով մամուլում տարածված լուրերն այն մասին, որ ԱՄՆ մտադիր է Ուկրաինային F-16 կործանիչների համար թևավոր հրթիռներ մատակարարել։ Այս մասին գրում է ՌԻԱ «Նովոստի»-ն:
«Ես ոչ մի բանի վրա չեմ զարմանում: Ամերիկացիներն արդեն հատել են իրենց իսկ սահմանած շեմը, և Զելենսկին, իհարկե, տեսնում է դա և օգտվում: Նրանք, ովքեր կատակում են մեր կարմիր գծերի մասին, չպետք է այդպես վարվեն: Նրանք շատ լավ գիտեն, թե որտեղով են անցնում մեր կարմիր գծերը»,- ասել է Լավրովը։