Қыркүйектің алғашқы күндері Астанада күн суиды
Синоптиктер Астана мен Алматыда алдағы үш күнге арналған ауа райы болжамын ұсынды, - деп хабарлайды Tengrinews.kz тілшісі.
Астанаға арналған ауа райы болжамы
30 тамызда көшпелі бұлт, кейде жаңбыр жауады, найзағай ойнайды. Солтүстік-батыстан соғатын желдің екпіні секундына 9-14 метр. Ауа температурасы түнде 11-13, күндіз 19-21 жылы.
31 тамызда көшпелі бұлт, кейде жаңбыр жауады, найзағай күтіледі. Солтүстіктен соғатын желдің екпіні секундына 9-14 метр. Ауа температурасы түнде 9-11, күндіз 16-18 жылы.
Ал 1 қыркүйекте күзгі салқын болады: көшпелі бұлт, жаңбыр жауады, найзағай ойнайды. Солтүстіктен соғатын желдің екпіні секундына 9-14 метр, екпіні секундына 15-20 метр. Түнде ауа температурасы 5-7, күндіз 11-13 жылы.
Алматыға арналған ауа райы болжамы
30 тамызда синоптиктер жауын-шашынсыз көшпелі бұлттылық. Жел солтүстік-батыстан солтүстік-шығысқа ауысады, екпіні секундына 3-8 метр, кейде 13 метр. Ауа температурасы түнде 14-16, күндіз 26-28 жылы.
31 тамызда жауын-шашынсыз, көшпелі бұлттылық күтіледі. Солтүстік-шығыстан соғатын желдің екпіні секундына 3-8 метр. Ауа температурасы түнде 15-17, күндіз 28-30 жылы.
1 қыркүйекте көшпелі бұлт болады, күннің соңында қысқа жаңбыр жауады, найзағай болады. Солтүстік-шығыстан соғатын желдің екпіні секундына 3-8 метр, найзағай кезінде екпіні секундына 15 метр. Ауа температурасы түнде 15-17, күндіз 30-32 ыстық.
Сілтемесіз жаңалық оқисыз ба? Онда Telegram желісінде парақшамызға тіркеліңіз!