Алматыда соңғы жеті күнде коронавирус жұқтырғандар саны артқан. Бұл туралы қаланың санитарлық-эпидемиологиялық бақылау департаменті басшысының орынбасары Әсел Қалықова айтты, - деп хабарлайды Tengrinews.kz тілшісі.
Эпидемиологтың айтуынша, ЖРВИ және тұмаумен сырқаттанушылыққа эпидемиологиялық қадағалау жүргізіліп жатыр, бұл СOVID-те зертханалық зерттеулерді де қарастырады.
Әсел Қалықова
"Коронавирусты ерте анықтау жұмысы әлсіреген жоқ, барлық жер қадағаланып жатыр. Қаңтардың басынан бастап Алматыда тұрғындар арасында коронавирус ауруының 302 зертханалық расталған жағдайы тіркелді. Соңғы жеті күнде - 9 жағдай, бұл өткен аптада анықталған жағдайлардың санынан екі есе көп", - деді Қалықова.
Ол қазір қалада коронавирустық инфекцияға қарсы вакцина жоқ екенін атап өтті.
"Денсаулық сақтау министрлігі республиканы вакцинамен қамтамасыз ету бойынша шаралар қабылдап жатыр", - деді эпидемиолог.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
